ບໍລິການກວດວິເຄາະຄຸນະພາບນ້ຳ
ບໍລິການວິເຄາະຄຸນະພາບອາກາດ
ພວກເຮົາໃຫ້ການບໍລິການທີ່ຫຼາກຫຼາຍໃນການວິເຄາະຄຸນນະພາບ ນ້ຳໜ້າດິນ, ນ້ຳໃຕ້ດິນ, ນ້ຳເປື້ອນ ແລະ ນ້ຳດື່ມ. ນອກນັ້ນ, ພວກເຮົາຍັງໃຫ້ບໍລິການດ້ານການສຶກສາ, ຕິດຕາມ ແລະ ກວດສອບ.
ມົນລະພິດທາງອາກາດເປັນອັນຕະລາຍຢ່າງຍິ່ງຕໍ່ກັບສຸຂະພາບຂອງມະນຸດແລະຍັງສ້າງຄວາມບໍ່ສົມດູນໃຫ້ແກ່ລະບົບນິເວດຂອງພວກເຮົາເຊິ່ງແຕ່ລະສະຖານທີ່ແມ່ນມີຄຸນນະພາບຂອງອາກາດທີ່ແຕກຕ່າງກັນແລະມີການປ່ຽນແປງໃນແຕ່ລະຊ່ວງເວລາຂອງແຕ່ລະມື້.ການຕິດຕາມແລະກວດວິເຄາະຄຸນນະພາບຂອງອາກາດສາມາດເຮັດໃຫ້ພວກເຮົາເຂົ້າໃຈເຖິງສາເຫດແລະປັດໄຈຕ່າງໆທີ່ພາໃຫ້ເກີດເປັນມົນລະພິດທາງອາກາດໄດ້.ດັ່ງນັ້ນ,ການຮັກສາລະດັບຄຸນນະພາບຂອງອາກາດໃຫ້ຢູ່ໃນລະດັບທີ່ເໝາະສົມຈຶ່ງມີຄວາມສຳຄັນເປັນຢ່າງຍິ່ງ.
ນ້ຳໜ້າດິນ
ນ້ຳໜ້າດິນແມ່ນແຫລ່ງນ້ຳທຳມະຊາດທີ່ສາມາດພົບໄດ້ໃນແມ່ນ້ຳຕ່າງໆ,ນ້ຳໃນໜອງ,ຫ້ວຍ,ບຶງຫລືແຫລ່ງທີ່ມີດິນທີ່ປຽກ ຊຸ່ມ. ໂດຍແຫຼ່ງນ້ຳຕ່າງໆເຫຼົ່ານີ້ແມ່ນໄດ້ສຳພັດກັບສານປົນເປື້ອນຫຼາຍຊະນິດເຊັ່ນ: ການປ່ອຍນນ້ຳເປື້ອນອອກຈາກໂຮງງານຫລືບ້ານເຮືອນຕ່າງໆລົງສູ່ແຫລ່ງນ້ຳທຳມະຊາດ,ສານປົນເປື້ອນຈາກການກະສິກຳ ການປູກຟັງແລະລ້ຽງສັດ,ສານປົນເປື້ອນຈາກຢາຂ້າຫຍ້າ,ແລະຢາຂ້າແມງໄມ້ຈຶ່ງເຮັດໃຫ້ແຫລ່ງນ້ຳດັ່ງກ່າວໄດ້ຮັບມົນລະພິດຫຼາຍຂຶ້ນ.ທີມງານຫ້ອງທົດລອງພັນທະມິດມີຄວາມຊຳນານແລະປະສົບການສູງໃນການວິເຄາະຄຸນນະພາບນ້ຳໜ້າດິນໂດຍມີນັກວິຊາການສະເພາະທາງທີ່ມີທີ່ຄວາມສາມາດໃນການກວດວິເຄາະບັນດາລາຍການວັດແທກຕ່າງໆໄດ້ຢ່າງລະອຽດ ແລະ ຄົບຖ້ວນ.
ການກວດວິເຄາະຄຸນນະພາບອາກາດອ້ອມຮອບອາຄານ
ເກນຫຼືມາດຕະຖານດ້ານຄຸນນະພາບຂອງອາກາດອ້ອມຮອບອາຄານແມ່ນຄວາມເຂັ້ມຂຸ້ນຂອງມົນລະພິດໃນອາກາດ ແລະໂດຍທົ່ວໄປແມ່ນໝາຍເຖິງອາກາດພາຍນອກອາຄານ.ມາດຕະຖານດັ່ງກ່າວໄດ້ຖືກລະບຸໄວ້ດ້ວຍຫລາຍໆເຫດຜົນລວມທັງການປ້ອງກັນສຸຂະພາບຂອງຄົນ, ອາຄານ, ພືດພັນ, ລະບົບນິເວດ, ພ້ອມທັງການວາງແຜນ ແລະ ຈຸດປະສົງອື່ນໆ. ເຊິ່ງຍັງບໍ່ທັນມີຄຳຈຳກັດຄວາມທີ່ຍ່ອມຮັບກັນໃນລະດັບສາກົນ ແຕ່ໂດຍທົ່ວໄປແລ້ວ ” ມາດຕະຖານ”ມີຜົນດ້ານກົດໝາຍຫລືການບັງຄັບໃຊ້,ໃນຂະນະທີ່“ແນວທາງການປະຕິບັດ”ອາດຈະບໍ່ໄດ້ຮັບການ ສະໜັບສະໜູນຈາກກົດໝາຍ.“ມາດຖານ / ເງື່ອນໄຂ” ສາມາດຖືກນຳໃຊ້ເປັນຄຳສັບທົ່ວໄປເພື່ອໃຫ້ກວມເອົາ ມາດຕະຖານແລະແນວທາງການປະຕິບັດ. ບາງລາຍການວັດແທກທີ່ສຳຄັນໃນການກວດສອບຄຸນນະພາບອາກາດໄດ້ແກ່: ຝຸ່ນລະອອງຂະໜາດ < 2.5 ໄມຄຼອນ (PM2.5),ຝຸ່ນລະອອງຂະໜາດ < 10 ໄມຄຼອນ (PM10), ຝຸ່ນລະອອງຂະໜາດ < 100 ໄມຄຼອນ (TSP), ຊັລເຟີໄດອ໊ອກໄຊດ໌ (SO2), ໄນໂຕຣເຈນໄດອ໊ອກໄຊດ໌ (NOx), ຄາຣ໌ບອນໂມນ໊ອກໄຊດ໌ (CO2). ເຊິ່ງແຕ່ລະລາຍການວັດແທກຈະມີການອະທິບາຍສັ້ນໆຢູ່ດ້ານລຸ່ມ.
ແຫຼ່ງນ້ຳໃຕ້ດິນ
ການກວດວິເຄາະນ້ຳໃຕ້ດິນແມ່ນມີຄວາມສຳຄັນເພາະມັນຈະຊ່ວຍໃນການໄຈ້ແຍກບັນຫາທີ່ມີຢູ່,ເພື່ອຮັບປະກັນວ່ານ້ຳມີຄວາມ ເໝາະສົມສຳລັບການນຳໃຊ້ຕາມຈຸດປະສົງ.ການກວດວິເຄາະແມ່ນມີຄວາມຈຳເປັນໂດຍສະເພາະການນຳໃຊ້ສຳລັບການກິນດື່ມ ຂອງມະນຸດ ແລະ ສັດ, ແລະ ຍັງຊ່ວຍຕິດຕາມການປ່ຽນແປງໃນແຕ່ລະໄລຍະ, ແລະ ເພື່ອກວດສອບຄຸນນະພາບ ແລະ ປະສິດທິພາບຂອງລະບົບບຳບັດນ້ຳທີ່ທ່ານມີຢູ່.
ບາງລາຍການວັດແທກທີ່ຕ້ອງໄດ້ກວດວິເຄາະມີດັ່ງນີ້:
ທາດໄອອອນຕ່າງໆເຊັ່ນ: ໂຊດຽມ, ຄຣໍໄຣດ໌, ຊັລເຟດ, ເຫຼັກ, ແມັງການີສ ສາມາດສົ່ງຜົນຕໍ່ລົດຊາດ ແລະ ກິ່ນຂອງນ້ຳໄດ້.
ຊັລເຟດ
ນ້ຳທີ່ມີປະລິມານທາດ ຊັລເຟດ ຫຼາຍເກີນໄປສາມາດສົ່ງຜົນກະທົບຕໍ່ລະບົບຂັບຖ່າຍ ຫຼື ເຮັດໃຫ້ເກີດການລະຄາຍເຄືອງໃນລຳໄສ້.
ຟູອໍໄຣດ໌ ແມ່ນຈຸລິນຊີທີ່ຈຳເປັນ, ແຕ່ຖ້າຫາກມີປະລິມານທີ່ຫລາຍເກີນໄປສາມາດເຮັດໃຫ້ເກີດບັນຫາທາງດ້ານແຂ້ວໄດ.
ສະແດງເຖິງປະລິມານຂອງສານອິນຊີ (ເຊັ່ນ: ໂຊດຽມ, ຄຣໍໄຣດ໌ ແລະ ຊັລເຟດ) ທີ່ລະລາຍໃນນ້ຳ. ປະລິມານທາດແຂງລະລາຍໃນນ້ຳສູງ (TDS) ສາມາດຫຼຸດຄວາມແຊບ ຫຼື ລົດຊາດຂອງນໍ້າລົງໄດ້.
ການກວດວິເຄາະເພີ່ມຕື່ມອື່ນໆແມ່ນຂຶ້ນກັບຄວາມຕ້ອງການຂອງທ່ານ ຫຼື ຖ້າຫາກມີການສົງໃສວ່າມີສານເຈືອປົນຢູ່ໃນນໍ້າ. ຍົກຕົວຢ່າງ, ແຫຼ່ງນ້ຳໃຕ້ດິນບາງຄັ້ງກໍ່ຕ້ອງໄດ້ກວດວິເຄາະສານອາຊີນິກ, ເຊເລນຽມ ແລະ ທາດຢູເຣນຽມ. ທັງແຫຼ່ງນ້ຳໜ້າດິນ ແລະ ໃຕ້ດິນ ອາດຈະຕ້ອງໄດ້ຮັບການກວດວິເຄາະສານເຈືອປົນຂອງຢາປາບສັດຕູພືດ.
ການຕິດຕາມການປ່ອຍອາຍພິດຈາກໂຮງງານ
ການຕິດຕາມການປ່ອຍອາຍພິດໝາຍເຖິງການຕິດຕາມອາກາດຂອງຈຸດປ່ອຍອາຍພິດ. ໂດຍປົກກະຕິແລ້ວ, ການຕິດຕາມດັ່ງກ່າວແມ່ນຕິດຕາມກວດວິເຄາະຢູ່ເທິງໝໍ້ອາຍນ້ຳ, ເຄື່ອງດູດອາກາດຈາກເຄື່ອງພິມ, ຖົງກອງຝຸ່ນລະອງ, ເຄື່ອງປ້ອງກັນຄວາມຮ້ອນ ແລະ ມີການດຳເນີນການຢ່າງສະໝ່ຳສະເໝີ. ບັນດາຖັງຈາກໝໍ້ອາຍນໍ້າ ແລະ ຂະບວນການທາງອຸດສາຫະກຳຈະປະກອບມີມົນລະພິດປະເພດຕາງໆເຊັ່ນ SOx, NOx, ອະນຸພາກ,ສານລະລາຍ,ຝຸ່ນລະອອງ,ອາຍແກັສທີ່ເປັນຜິດຕ່າງໆ.ສິ່ງເຫລົ່ານີ້ສາມາດສົ່ງຜົນເສຍຕໍ່ຄຸນນະພາບຂອງອາກາດໃນທ້ອງຖິ່ນແລະດ້ວຍເຫດຜົນນີ້,ການປ່ອຍອາຍພິດດັ່ງກ່າວມັກຈະມີລະບຽບການຄວບຄຸ້ມ.ໂດຍປົກກະຕິແລ້ວກົດລະບຽບດ່ັງກ່າວແມ່ນຮຽກຮ້ອງໃຫ້ມີການວັດແທກຄວາມເຂັ້ມຂຸ້ນຂອງມົນລະພິດເຫລົ່ານີ້ຢ່າງສະໝ່ຳສະເໝີ,ເຊິ່ງເອີ້ນວ່າການຕິດຕາມ ການປ່ອຍອາຍພິດໃນແຕ່ລະໄລຍະ.ໂດຍປົກກະຕິແລ້ວຈະກຳນົດຂອບເຂດຈຳກັດຕາມຄວາມເຂັ້ມຂຸ້ນ(ຫລືການໄຫລວຽນ ຂອງມວນສານ)ແລະຈຸດປະສົງຂອງການຕິດຕາມກວດກາແມ່ນເພື່ອກຳນົດວ່າການປ່ອຍອາຍພິດຢູ່ໃນຂອບເຂດທີ່ກຳນົດຫຼືບໍ.
ການກວດວິເຄາະຄຸນນະພາບອາກາດໃນສະຖານທີ່ເຮັດວຽກ
ບັນຫາມົນລະພິດທາງອາກາດໃນບ່ອນເຮັດວຽກເກີດຂື້ນເມື່ອມີການໝູນວຽນຂອງອາກາດບໍລິສຸດທີ່ກະຈາຍຢູ່ໃນ ສະພາບແວດລ້ອມຂອງພື້ນທີ່ເຮັດວຽກນັ້ນມີຈຳກັດ;ອາກາດຖືກໝູນວຽນພາຍໃນບ່ອນເຮັດວຽກໃນອັດຕາທີ່ໄວເກີນໄປ ເຖິງແມ່ນວ່າຈະມີສານພິດຢູ່ໃນອາກາດ – ບໍ່ວ່າຈະເປັນຈາກສະພາບແວດລ້ອມພາຍໃນ ຫຼື ພາຍນອກບ່ອນເຮັດວຽກ.
ນອກຈາກນີ້, ຍັງມີສາເຫດທີ່ເກີດຂຶ້ນໂດຍທຳມະຊາດທີ່ເຮັດໃຫ້ມົນລະພິດທາງອາກາດບໍລິເວນເຮັດວຽກໄດ້ເຊັ່ນກັນ. ຍົກຕົວຢ່າງ,ການຫາຍໃຈຂອງມະນຸດປ່ອຍອາຍຄາບອນໄດອ໊ອກໄຊດ໌,ເຊິ່ງມີໃນປະລິມານໜ້ອຍແລະບໍ່ສາມາດສ້າງມົນລະພິດໄດ້,ແຕ່ກໍອາດຈະເປັນອັນຕະລາຍໄດ້ຖ້າຄວາມເຂັ້ມຂຸ້ນສະສົມສູງ.ຈຸລິນຊີຫຼືເຊື້ອແບັກທີເຣຍກໍ່ອາດຈະມີຢູ່ໃນລະບົບລະບາຍອາກາດ. ຖ້າຫາກວ່າຈຸລິນຊີດັ່ງກ່າວມີການພັດທະນາ, ມັນອາດຈະແຜ່ລາມໄປທົ່ວທັງສະຖານທີ່ເຮັດວຽກ ຫຼື ອາຄານໂດຍຜ່ານລະບົບລະບາຍອາກາດ.
ນອກຈາກນີ້, ຍັງມີສາເຫດທີ່ເກີດຂຶ້ນໂດຍທຳມະຊາດທີ່ເຮັດໃຫ້ມົນລະພິດທາງອາກາດບໍລິເວນເຮັດວຽກໄດ້ເຊັ່ນກັນ. ຍົກຕົວຢ່າງ,ການຫາຍໃຈຂອງມະນຸດປ່ອຍອາຍຄາບອນໄດອ໊ອກໄຊດ໌,ເຊິ່ງມີໃນປະລິມານໜ້ອຍແລະບໍ່ສາມາດສ້າງມົນລະພິດໄດ້,ແຕ່ກໍອາດຈະເປັນອັນຕະລາຍໄດ້ຖ້າຄວາມເຂັ້ມຂຸ້ນສະສົມສູງ.ຈຸລິນຊີຫຼືເຊື້ອແບັກທີເຣຍກໍ່ອາດຈະມີຢູ່ໃນລະບົບລະບາຍອາກາດ. ຖ້າຫາກວ່າຈຸລິນຊີດັ່ງກ່າວມີການພັດທະນາ, ມັນອາດຈະແຜ່ລາມໄປທົ່ວທັງສະຖານທີ່ເຮັດວຽກ ຫຼື ອາຄານໂດຍຜ່ານລະບົບລະບາຍອາກາດ.
ນີ້ແມ່ນຕົວຢ່າງຂອງການກວດວິເຄາະຄຸນນະພາບອາກາດໃນສະຖານທີ່ເຮັດວຽກທົ່ວໄປ: ອາຍຄາບອນໄດອ໊ອກໄຊດ໌ (CO2), ຄວັນຢາສູບ… ຝຸ່ນລະອອງ, ໃຍແກ້ວ, ອາຍແກັສ, ລວມເຖິງສານຟອຣ໌ມາລດີໄຮດ໌ ສານລະເຫີຍທີ່ເປັນຜິດ, ສານປະສົມສານອິນຊີທີ່ລະເຫີຍໄດ້ງ່າຍ (VOCs) ແກັສ, ສານອາຍລະເຫີຍ, ກິ່ນສານເຈືອປົນຈຸລິນຊີ, ເຊື້ອລາ, ເຊື້ອແບັກທີເຣຍ ໂອໂຊນ
ນ້ຳເປື້ອນ
ນ້ຳເປື້ອນແມ່ນໜຶ່ງໃນສິ່ງທີ່ສຳຄັນທີ່ສຸດໃນການກວດວິເຄາະ,ເພາະວ່າເປັນນ້ຳທີ່ໄດ້ຮັບຜົນກະທົບຈາກການນຳໃຊ້ຂອງມະ ນຸດ.ການທີ່ມີລະບຽບກົດໝາຍຄຸ້ມຄອງທີ່ເຂັ້ມງວດແລະໃສ່ໃຈເຖິງບັນຫາຂອງສິ່ງແວດລ້ອມ,ຮຽກຮ້ອງໃຫ້ມີການບຳບັດ ນ້ຳເປື້ອນກ່ອນທີ່ຈະປ່ອຍໄປສູ່ແມ່ນ້ຳ ແລະ ລະບົບລະບາຍນ້ຳຕ່າງໆ.
ການຕິດຕາມກວດສອບນ້ຳເປື້ອນທີ່ຜ່ານການບຳບັດແລ້ວກ່ອນຈະປ່ອຍຖິ້ມແມ່ນຈະຊ່ວຍໃຫ້ທ່ານສາມາດກວດຈັບມົນລະພິດທີ່ອາດເກີດຂຶ້ນ ແລະ ສາມາດຮັກສາບຳບັດກ່ອນທີ່ຈະປ່ອຍອອກສູ່ແຫຼ່ງນ້ຳທຳມະຊາດ. ສານປົນເປື້ອນທີ່ສາມາດພົບໄດ້ທົ່ວໄປໃນນ້ຳເປື້ອນໄດ້ແກ່: ແອມໂມເນຍ, ຊີໂອດີ (COD), ການຊັກນຳໄຟຟ້າ, fecal Coliform, ຄ໌ໍຣີນຕົກຄ້າງ, ໄນເຕຼດ ແລະ ໄນໄຕຣ໌, ຟອສເຟດ/ຟອສຟໍຣັສ, ຄວາມເປັນກົດ-ດັ່ງ, ທາດແຂງແຂວນລອຍ, and Total Kjeldahl Nitrogen.
ນ້ຳດື່ມ
ການກວດວິເຄາະຄຸນນະພາບນ້ຳດື່ມແມ່ນມີຄວາມສຳຄັນຫຼາຍ ເພາະມັນຊ່ວຍລະບຸເຖິງສິ່ງເຈືອປົນທີ່ມີຢູ່ໃນນ້ຳ ເພື່ອປ້ອງກັນພະຍາດຕ່າງໆທີ່ເກີດຂຶ້ນກ່ອນທີ່ຈະອະນຸຍາດໃຫ້ບໍລິໂພກນ້ຳໄດ້.
ທີ່ສຳຄັນ,ການກວດວິເຄາະຄຸນນະພາບນ້ຳດື່ມຈະຊ່ວຍຮັບປະກັນເຖິງຄຸນນະພາບຂອງນ້ຳດື່ມວ່າເປັນໄປຕາມມາດຕະຖານນ້ຳດື່ມທັງພາຍໃນ ແລະ ສາກົນ, ສຳລັບການບໍລິໂພກຂອງຄົນ ແລະ ສັດ. ນອກຈາກນ້ຳທີ່ໃຊ້ໃນຄົວເຮືອນແລ້ວ, ນ້ຳສຳລັບໃຊ້ສອຍ ແລະ ເພື່ອການກະເສດກໍ່ຄວນໄດ້ຮັບການກວດວິເຄາະເຊັ່ນກັນ.
ບາງລາຍການວັດແທກທີ່ຕ້ອງໄດ້ກວດວິເຄາະມີດັ່ງນີ້ໃນນ້ຳດື່ມມີດັ່ງນີ້: ສີ,ກິ່ນ,ລົດຊາດ,ຄວາມເຂັ້ມຂຸ້ນ,ຄ່າຄວາມເປັນກົດ-ດັ່ງ, ທາດແຂງລວມ (CaCO3), ເຫຼັກ, ຄຣໍໄຣດ໌, ຄ໌ໍຣີນຕົກຄ້າງ, ທາດແຂງລະລາຍໃນນ້ຳ, ເຄລຊຽມ, ທອງ, ແມັງການີສ, ຊັລເຟດ, ໄນເຕຼດ, ຟູອໍໄຣດ໌, ທາດປະສົມຂອງເຟໂນລ, ບາຫຼອດ, ແຄັດມຽມ, ເຊເລນຽມ, ອາເຊນິກ, ໄຊຍາໄນດ໌, ຊືນ, ສັງກະສີ, Anionic detergents, ໂຄຼມຽມ, ໂພລີນິວເຄຼຍອະໂຣມາຕິກໄຮດ໌ໂດຣຄາບອນ, ນ້ຳມັນແຮ່ທາດ, ຢາປາບສັດຕູ້ພືດ, ຄວາມເປັນດ່າງ, ອາລູມີນຽມ, Boron, ແລະ ກຳມັນຕະພາບລັງສີ.